Ka Meghalaya Board of School Education (MBOSE), ynne da pynbna ko ya ka Result ka Secondary School Leaving Certificate (SSLC) 2026 heiwa ka Pass Percentage ha uni u snem da man ko 86.84%. Ynnin u snem ka Pass Percentage man ko 87.10% chwa wow pynman ya ka Supplementary Exam.
Ha uni u snem waroh kiwa da yaleh ya kani ka Exam da em ki 48623 ngut wei kiwa Pass da em ki 42228 ngut.
Ka District wa heh dooh ka Pass Percentage toh ka West Jaiñtia Hills District kawa da yoh 94.99% heiwa na 4459 ngut kiwa yaleh da em 4236 ngut kiwa Pass.
Hei wa ar toh ka South West Khasi Hills kawa da yoh 94.60% heiwa kiwa yaleh da em ki 1614 ngut wei kiwa Pass 1527 ngut.
Hei wa le da em ka East Khasi Hills kawa da yoh 94.17% heiwa kiwa yaleh da em ki 13,022 ngut katwa kiwa Pass da em ki 12,264 ngut.
Hapoh ka Top 20 List kiwa na ki skur wa em ha Jaiñtia Hills da em 6 ngut kiwa da mih pyrtuid heiwa da tam ka Jenita Pator kawa na Sawlyngdoh Higher Secondary School kawa da yoh hei 5th Position deiwa yoh Distinction 6 tylli.
Kiwi de toh ka Weimaya Nongtdu Lakiang na North Liberty Higher Secondary School, Jowai uwa da yoh 8th Position, ka Iakmenika Chullet na Shangpung Presbyterian Higher Secondary School, Shangpung kawa da yoh 10th Position, ka S Shekinah Marboh na St. Mary Mazzarello Girls’ Higher Secondary School, Jowai kawa da yoh 12th Position, u Aaron Dhar na North Liberty Higher Secondary School, Jowai uwa da yoh 18th Position wa u Leadingstar Maria Lamin na Jawaharlal Nehru Memorial Secondary School,Lamin uwa da yoh 19th Position.
Discussion about this post