Iwi i video wa mih na Nepal da wanrah i yei chrai ha Social Media hadien wa uwi u Nepali da mai u ya ki ar ngut ki nong India wa mynthu duma (gutka) ha sarok ha katai ka ri wei da phah pynkhooid leh yeiwa mynthu ki.
Ha i video, u Nepali da ban u wa emkaam u man kiwa syndong wei kiwa bahkhlieh, da ong u “Kani ymtoh ka India, kani toh ka Nepal, ham leh pynsih, thæh um (pynkhooid yei mynthu)” namo “Ye India nahi hain bhai, Nepal hain, ganda mat karo, pani dalo udhar”.
Ha ini i video da yoo ya uwi wa paan maap katwa uwi won won dang thæh um (pynkhooid) u ha i dak mynthu.
Chooh chooh uni u Nepali da ong u “Wan phi na India, ka ri wa heh, wan phi cheini wow pyntngit donhi, chwa wow paan maap emkaam u pyrkhat bha phi” namo “India se itne bada desh se aate ho, idhar aake ganda karte ho, sorry bolne se pehle sochna chahiye.”
Kiwa boon wa pynemkaam Social Media da yaroh ki ya uni u Nepali wow yieñ pyrchah yeini katwa kiwi won da kdaw ki yei eh i khor wa mih nei baam duma wa i wym em i bahkhlieh ha ka imlang sahlang.
Da em leh kiwa da ong wa emkaam ya ki kyndon wa khor kamjooh wow khang pyrchah ya ki mar duma.
Discussion about this post