Da kyrriah ya ka Jowai Urban Bank na Merusa Building cha ka Building Thymme

Ka Jowai Co-operative Urban Bank Ltd., Main Branch kawa jooh em ha Merusa Building, Iawmusiang da ki phaw snem kattu, da kyrriah noh ya ka cha ka ka yung Building Thymme yong ka hi kawa em ha Wahnangbah, Iawmusiang hajan ka skur Amwi Secondary School, Jowai.

Da sdang krehkaam kani ka Bank ha kani ka building thymme nadooh ka 7 tarik uni u bnai, wei da krehkaam ko ha ki ar tylli ki mala, heiwa ka mala nyngkong toh kawa ye u thap wei wow sai poisa, ha ka mala wa ar won da pait kyrpang heiyatoh wa i e ram e chah.

Ha kani ka Building thymme, ka thaw man kawa sawar bha ya ki paidbah wa wan emkaam neibhah wa biang leh ka thaw pynyieñ kari khian wa ki ar chaka.

Kam wow pynkynmoo ha kani ka Bank ye u yoh boonjait ki ram kam ka Housing Loan ya kiwa kreh Business wa kiwa kreh sorkar, ka Education Loan wei i dor yong ka sut namo ka Interest man ko kawa yaryngkat wa kiwi ki Bank.

Related posts

U pynku dor ka TATA ya ki kari kamai nadooh u Naiynñiaw

June 20, 2024

Pynmih ka Forbes yei pyrtuid ki bru wa mahajon dooh ha pyrthai, yoh nyngkong uwa na France

March 19, 2024

Neiliang ki bor pynlai kani ka Bank da kyntu ki ya waroh ki paidbah ka Ri-loom Jaiñtia kiwa yatoh kaam wa kani ka Bank nadooh ki Share Holder, Customer wa kiwi wow wan mih noh ki cha kani ka Building thymme.

Wow yoh ya ki yutip wa bniah hajrong i chakri wa e kani ka Bank da kyntu ya ki paidbah u wan mih ki cha kamra u Branch Manager nadooh i por 9:45 AM hadooh 6:00 PM yong ki sngi wa wai ka Bank.