Uwi u bru da chah kem u neidaw wa pynkhreh u wow tynyap ya u Prime Minister Narendra Modi ha Buxar District ka jylla Bihar wei yeini da pynman ki pulit ka Simri Police Station yei kynreh ya i yung uni u bru.
Ya uni u bru da tip kam u Aman Tiwari na Asha Padri, Simri.
Neiliang u SP u Buxar District, u Shubham Arya da ong u wa u Aman da pynkhreh u yeini wow tynyap ya u Prime Minister wei da yaklam u wa ki chnat na baar ri wow pyndep yeini.
Ki pulit da ong ki leh wa u Aman da yaklam u leh lyngba ka email wa ka CIA ka USA wow leh yeini deiwa dawa poisa chiboon deiwa kular wow pyndep yeini hapoh 22 sngi.
Ha i kynreh ki pulit da chimkti ki ya ka laptop wa kiwi ki tiar electronics na i yung u Aman wei katni dang sylli bñiah ki ya ki.
Hadien ini da kem leh ya ar ngut kiwi tawon wa emkti heiwa waroh le ngut da rah ki pulit wow takit ya ki khnang wow chemdien yeiwa sakhiat.
Discussion about this post