Ha kini ki sngi wa dadep da poor i video wa pynyoo ya u bru wa kam wa choh i Zombie Drug oo ha sorbah Bengaluru iwa da wanrah yei tieñ kamjooh i sñiawkhia hapyrdi kiwa boon. Hajrong ini u City Police Commissioner, Seemant Kumar Singh da pynche u wa ini toh i video thok wei i takit dang lai i chaphrang.
Ha i video da yoo ya u bru wa yieñ tden, khlem khih heiwa da kam ini i video toh na Bagaluru hajan ka Nitte College hapyrdi ka 7 wa 8 tarik u April.
Mar mih i video ki pulit na Yelahanka da thooh ki ya uni u bru wa mih hei video heiwa da chem toh uwa khih mylla wei da phah leh ki oo ya ka Medical Examination.
Heiyatoh wa ka takit da chem wa ymtoh wa leh i drugs tangwa da dih kiad u chirup wa ki dawai bit wa dawai sinus kiwa da pynchoh oo kamni.
Deiwa chimkhia yeini, ka Central Crime Branch (CCB) da pynman ko yei takit wei da e Notice ko leh ya u actor Duniya Vijay wa ya ki palat 25 ngut kiwa pynpoor yei video khlem pynsakhiat chwa. Ki pulit da ong ki leh wa daw e Notice leh ya u sahep IPS (wa da chong) u Bhaskar Rao uwa da pynpoor ya ini i video.
Ki pulit dang thooh ki leh ya u bru wa riñ wei pynpoor ya ini i video ha Social Media.
Chooh chooh da kyntu ki leh ya ki paidbah wow pynsakhiat chwa yeiwon iwon iwa yoh ki chwa wow phah chawi.
Discussion about this post