U President ka USA, u Donald Trump, ynne da pyntip u wa i yaklam da lai bha ko dei miat heiwa da em i ya mynjur wa ka Iran tangwa kiwa yatoh wa ki kaam Nuclear ym em ye u ya mynjur.
Kamtæ nadooh myntu, ka US Navy daw lai khang noh ko da ka ya ka Strait of Hormuz yow lait kiwon kiwon ki jhaad u psiah næ u mih na kani ka luti um, da pyntip u Trump. Deiwa ong leh wa daw poi i por boi daw chah biang u psiah u mih.
Ha kani ka yachem wa ki heh ka Iran, da lai mihkhmat ya ka USA da u JD Vance, Vice President kawa da pynman ha Islamabad, Pakistan heiwa ka yaklam da neh ko kamwa 20 kynta tangwa ka Iran ym bien ko wow pyndam ya ka thong ko wow em Nuclear.
U Donald Trump da ong u wa ym kwah u wow em tiar yaleh namo ki Nuclear Weapons ka Iran wei ym e laad u yeini.
Kam wow pynkynmoo wa kani ka Strait of Hormuz toh kawa lai kamwa 20% i phniang wa pynemkaam kiwa boon ki ri ka pyrthai.
Ha kini ki sngi wa dep, u Trump da khut u ya kiwi ki ri ka pyrthai wow thied phniang na ka USA neibhah ka em ko chiboon i phniang wa bha wa miat.
Discussion about this post