U Himanta toh uwa baam-tooh dooh na waroh ki CM ha India: Rahul Gandhi

U heh ka Indian National Congress, u Rahul Gandhi ynne da Kyrchaan u ya u heh ka party, u Pawan Khera hadien wa mih i kajia wa ka kurim u Chief Minister ka Assam, ka Riniki Bhuyan Sharma.

U Rahul da beiñ joor u ya u Himanta Biswa Sarma, deiwa ong wa man u CM wa joor dooh i baam-tooh ha India deiwa dawa wow takit bñiah yeiwa pynbaad ka Congress.

Da ong u wa u Himanta ym lait de u kattu neibhah wa da pynemkaam bakla u yei bor wow phah kdong ya kiwa beiñ ya oo iwa man pyrchah ya ka Constitution.

Chooh chooh da ong u wa ka Congress Party yieñ ko chirup wa u Pawan Khera.

Ini i klam u Rahul toh hadien wa chah ujor u Khera wei ka Assam Police da lai ko cha ka Supreme Court of India wow pyrchah ya ka hukum ka Telangana High Court kawa da e Transit Anticipatory Bail wa chi tayaaw ya u Pawan Khera nadooh ka 10 April.

Related posts

Ym em u yalok ka NPP wa kiwi ki party ha ka Election MP: Wailadmiki

April 10, 2026

Ym em kam kitæ ki Gen Z Voter ha Assam: Himanta

April 10, 2026

U Pawan toh uwa khlieh ya ka Media And Publicity Wing ka Congress heiwa da pynbaad u wa ka Riniki Bhuyan Sharma em ko leh tylli ki passport heiwa u Himanta wa u khon yong oo em khih ki ha United States wa chongdor Rs 52,000 klur.

Hajrong ini ka Riniki Bhuyan Sharma da ujor ko ya ka First Information Report (FIR) pyrchah ya u Pawan Khera wei ka Assam Police leh da thooh ko ya oo katni.