Ka sorkar Uttar Pradesh da pynku ko ya ka nong Minimum Wages kiwa khih mylla da kamwa Rs. 3000 hadien wa mih i awri ha Noida, wei ini i pynku u krehkaam i nadooh ka 1 April.
Ka Gautam Buddh Nagar District Magistrate, ka Medha Roopam da pyntikna ko yeini ynne ka sngi heiwa da leh yeini hadien wa chong yalang ka High Powered Ciommittee.
Ki heh sorkar da ong ki wa ini i pynku toh iwa chipor wei daw pynkhreh ya ka rukom kheiñ nong da kawa pura.
Ka nong wa thymme hapoh ka Gautam Buddh Nagar wa Ghaziabad neibynta ki unskilled worker u yoh ki Rs. 13,690 chi bnai na ka Rs. 11,313. Ki Semi-skilled u yoh ki Rs. 15,059, katwa ki skilled won Rs. 16,868.
Ha kiwi ki district ka jylla ki unskilled u yoh ki Rs. 12,356 chi bnai, semi-skilled Rs. 13,591 katea ki skilled worker won Rs. 15,224.
Ka sorkar da ong ko wa yeini da leh deiwa yaklam wa ki seiñ kiwa khih mylla wa kiwi.
Ini i pynku ya ka nong toh hadien wa yakhih kiwa kreh karkhana ha Noida ha ka 13 tarik uni u bnai heiwa da kem ya kamwa 300 ngut.
Discussion about this post