Uwi u Doctor ynne ka 14 tarik da pynbna u yeiwa ympoi pyrkhat wei ini i pynbna da poor bha i ha Social Media iwa da yoh yei yaroh kamjooh leh yei beiñ.
U Dr. P K Hazra toh uwa na Kolkata, West Bengal heiwa da ong u wa ki bru wa wan thooh dawai na oo mar ekhublei ki “Jai Shri Ram” u pynduna u ya ka bai sumaar (Consultation fee) da Rs. 500.
U Dr. Hazra da batai u wa da embynta u hei wow sumaar bru wei kamjooh leh i sumaar wa mynkna da slem bha. Da ong u wa i rai wow pynduna ya ka bai sumaar toh wow yarap chooh ya ki bru wa kjut.
Chooh chooh da ong u wa ka bai sumaar ha Clinic u nachwa jooh man ko Rs. 2,000, yeiwa da pynduna u cha ka Rs.1,500 wei dang ini wadep da pynhiar chooh u ya ka cha ka Rs. 1,000 ya kiwa ekhublei ya oo kamni (Jai Shri Ram).
Uni u doctor leh da pynche u wa kyrchaan u ya ka Bharatiya Janata Party (BJP).
Ini i pynbna u Dr. Hazra da poor bha i heiwa da em kiwa yaroh wei da em won leh kiwa beiñ ya oo.
Kam wow kdaw heini, ka Election MLA ha West Bengal u man ko ha ka 23 wa 29 tarik uni u bnai wei ini i leh u Doctor ye i wow man wow pynku ya ka BJP kawa kyrchaan u.
Discussion about this post