U Montri Rangbah ka jylla, u Conrad Sangma da ong u wa da phah ya ki Doctor wow lai pait yei chait i khiah yong u Chairman ka Green Tech Foundation, u H. Bansiewdor Nonglang wot hadien wym bien u wow lai cha Hospital wei da phah leh ya ki Doctor wow leh ki yeiwa emkaam wow sumaar hei thaw wa chah thngan ha madan Malki.
U Montri Rangbah da ong u leh wa ym yoo yei kynjngit kynjngat hajrong ini i kaam neibhah wa ka sorkar da pynche ko wym chna iwon iwon ha Lumpongdeng wei ym emkaam de wow pteiñ yei chah thngan wei ka sorkar ym kwah ko wow chitom ki deiwa chah thngan wei da kyrpaad wow sangeh noh hajrong ini.
Da ong u leh wa ha ka soskular MoU ym em iwa kdaw wow chna iyi iyi ha Lumpongdeng.
Ka sorkar da e kti ko ha ka Taj Group kawa da smat wow pynlut palat Rs. 300 klur wow chna u pynlai ya ka Hotel yow wanrah yei myntoi ya ka jylla, ya ki khynroo khyllood yow pynku ya ka kamai kajih.
Da ong u wa daw em kamwa 10 tylli ki 5 Star Hotel ha ka jylla kiwa daw chna wei ini daw pynku yei kaam uiñke suwari da ka luti kawa pynbha ymtoh deiwa leh pynsih.
Heijooh i por da ong u wa kitu kiwa kylli ileh wa ka sorkar ym pynmih kreh ko tangwa manda leh won da pyrchah ki wot hapyrdi i pynche ya iyi wa kwah ki.
Da ban joor u leh wa ki kaam uiñke suwari daw ku chooh chooh ki ha kini ki sngi wow wan hadien wa dadep wow pynheh ya ka Airport.
Discussion about this post