U Foreign Minister ka Iran, u Seyed Abbas Araghchi da pynbna u wa da wai ya ka Strait of Hormuz yow lai luti waroh ki jhaad wei yeini u leh hei pait ka Ports and Maritime Organisation ka Iran.
Da ong u leh wa ini man ko kam chibynta i dam wow yasiat (Ceasefire) ha Lebanon wei i wai ya ka Strait of Hormuz toh katwa dang neh kani ka Ceasefire.
Kam wow kdaw heini wa kani ka Ceasefire toh kawa 10 sngi hadien wa yachem u President ka Lebanon, u Joseph Aoun wa u Prime Minister ka Israel, u Benjamin Natanyahu deiwa emlang u Vice President ka USA, u JD Vance.
Kani ka Ceasefire toh kawa krehkaam nadooh ynne ka sngi.
Kam wow pynkynmoo wa Israel da siat ko ya ka Lebanon deiwa mang ya ki bru ka Hezbollah kiwa em hapoh kani ka ri kiwa ym embynta won heini yaklam neibynta ka Ceasefire.
Discussion about this post