Ka Syntu Ksiar man ko ka thaw wa pawnaam ka Jowai heiwa i pyrtuid yong ka da poor i kylleiñ wei da sakhi ya ki bru na kylleiñ wa wan uiñke cha ka tangwa ha ki snem wa ki por wa da lai da sdang plæh i miat wei naam yong ka nei leh ki bru pyrthai wei ynne ka 17 tarik da man ko ka sngi wow pynsakhiat yeitæ.
Ynne da wan u slap wa joor uwa da neh da ki kynta, heiwa ka Wah Myntdu leh da kmai-um ko.
Ini i kmai-um ka Wah Myntdu da yoh u sakhi ya i jhep wa kai ha tymbud ka wah khamtam ha Syntu Ksiar heiwa da yoo ya ki sdær, ki klong, ki khrop, ki that, ki yusong baam wa kai ki.
Hawa yaklam wa ki bru wa phet-janmiet ha Treriat, da khyrngiat ki wow yoo yeini waroh deiwa ong kattu ym slem de daw wiar i naam yong kani ka thaw deiwa pynrap iyi myntoi u chna ya ki liar wa kyrpang wow ksoh yei jhep na Jowai namo ki In-situ Nallah.
Uwi u bru waheh da ong u wa ini waroh pynyoo i yei wym kheiñ kyrpang ki paidbah ya ka Wah Myntdu kawa man ka Tawiar Takan ka sor Jowai neibhah da noh khiar ki yei jhep kamni hadooh wow kylla dur ka Myntdu.
Ini wan i heipor wa thai i sur wow yada ya ka Wah Myntdu heiwa da tieñsar ki paidbah wa daw kylla ko kam ka Wah Umkhrah wa silet ki paidbah ka sor Shillong katni.
“Khyrngiat yongbru yada ya ka Wah Myntdu katni yong wym em u ye u sdang nadooh ynnin, dang em hi i por ya i,” da ong uwi na kiwa ka’it u lai khwe ha Lynter wa Pohkhyllem ka wah.
Discussion about this post