Ka sorkar jylla hadien wa yachem wa ka Synjuk ki Rangbah Shnong Ri-Bhoi (SRSRB), da pynbna ko ya ka rai wow pyndam noh chwa ya ka Project ha Lumpongdeng, katwa i chna ya ka Taj Luxury Resort ha Orchid Resort u lai i chaphrang.
Ya kani ka rai da pyntip da uwa e ktien ka sorkar MDA, u Wailadmiki Shylla ynne ka sngi wa ya ka Resort u chan hei thaw wa heh 30 Acre iwa em ka Umiam Orchid Lake Resort kattæ.
U Wailadmiki da ong u wa i pynsangeh yeini toh hadien i klam yillu wa ki Rangbah Shnong ka Ri-Bhoi kiwa man ki bynta wa kongsan wa ka Umïam Project ha Ri-Bhoi, wei ka sorkar kwah ko wow krehlang wa ki paidbah.
Chooh chooh da ong u wa ka sorkar ym em u murieh ko iwon iwon tangwa da pyrchang ko wow leh neibynta wow myntoi ki paidbah ka jylla.
Da ong u wa ini i rai ka sorkar ym mut i wa da pyndem ka sorkar hakhmat kawon kawon ka seiñ tangwa ym kwah ko wow leh yabor lada ki paidbah ym kwah ki neibhah wa kwah ko wow ap yei sur paidbah.
Neiliang u Wailadmiki da kyrpaad u ya ki dkhot ka Green Tech Foundation (GTF) wow sangeh noh yei yakhih deiwa liwan noh cha yung.
Discussion about this post