Ka All Jaiñtia Muster Roll Workers & Labour Union (East Jaiñtia District Committee) Khliehriat, da khut ko ya waroh kiwa kreh Muster Roll ha ki chnat krehkaam ka sorkar jylla ha East Jaiñtia District, u wan chynnam phi cha ka yalang kiwa kreh Muster Roll ha ka 23-04-2026 heipor 10:00 waje i step ha yung dorbar ka Khliehriat West.
Daw wan leh wow embynta wa u Khroo L Pariat, President ka seiñ chirup wa ka Dayoophi Ïakai wa kiwa yahkhmat ka seiñ bei.
Ha kani ka yalang daw yaklam ya ki kaam yap kaam im yong kiwa kreh Muster Roll, kam i pynslem ka sorkar jylla u pynmih hukum yow pynku bai nongsngi ya waroh kiwa kreh mylla iwa da ktah bha hadien wa da ku dor waroh ki marbaam mardih ha ka jylla Meghalaya nadooh kani ka tlang wa dadep hadooh katni.
Kamjooh daw yaklam ha kani ka yalang heiyatoh i wym krehkaam ka RCW wa i wym tikna i su bai nongsngi ha ka chnat PHE, Sericulture, Weaving, Handloom, Agriculture wa Horticulture.
Daw yaklam leh heiyatoh i rta u dam kreh kaam ki Muster Roll wa kiwi kiwi ki mat kiwa dadep yaklam kiwa yahkhmat ka seiñ neibynta u yoh hok kiwa kreh Muster Roll ha ki chnat krehkaam ka sorkar jylla.
Kamtæ da kyrpad joor ya waroh kiwa kreh Muster Roll yow ya wan ryntih phi u ya mih paidbah cha kani ka yalang yow ye u ya saiñdur chiruplang neibynta u chngaaiñ i krehkaam yong kiwa kreh Muster Roll wa ka long yung yong waroh.
Discussion about this post