Chi sngi chwa wow wan wai u Prime Minister Narendra Modi ya ka Pachpadra Refinery kawa em ha Balotra District ka Rajasthan, da chah baam ko hei diñ wa joor bha iwa da sdang heipor 1:55 i sngi ka 20 tarik uni u bnai.
I bynta wa iñ toh ha ka Crude Distillation Unit kani ka HPCL Rajasthan Refinery Limited (HRRL) wei katkam wa ong ka Hindustan Petroleum Corporation Limited da suba wa liat ki Hydrocarbons lyngba kawi ka Valve wa em hapoh ka Heat Exchanger Circuit iwa man i daw wa sdang i diñ.
Ini i diñ toh iwa da neh du hapoh ka Crude Distillation Unit (CDU) wa ka Vacuum Distillation Unit (VDU) heiwa kiwi ki jait Unit da ye wow yada ki wei ym em chah ktah ki.
Ha ini wa jia ym em leh kiwa mynsoo næ kiwa yap.
Neiliang ka Ministry of Petroleum and Natural Gas da ong ko wa da pynpep leh yei wai ya kani ka Refinery kawa da toh u leh ynne ka sngi da u Modi wei i diñ toh iwa da ye wow tympleh.
Kani ka Refinery toh kawa dang chna thymme hei lut wa Rs. 80,000 klur.
Discussion about this post