Kiwa sikai hapoh ki Deficit Grant-in-aid School wa College ha ka jylla da kyntait ki ya ka Meghalaya Non-Government Schools and Colleges Employees Centralised Fund Scheme, 2026 deiwa kyntu ya ka sorkar wow leh katkam ki kyndon aiñ wow myntoi kiwa sikai wa kiwa kreh (Non-Teaching Staff) khamtam kiwa da chong-ngiah wa chem chitom ki ha ka poisa.
U President ka Khasi Jaintia Deficit School Teachers Association (KJDSTA), u Bosswell Pala da yaroh u ya iwa pynbna u Chief Minister ha ka 1 tarik u April heiyatoh wa i pynyinsur ya ka Pension Scheme deiwa tipmit yeiwa chakri ki khamtam wow pynwandur ya ka mynried ki khynnah.
Da ong u wa kam kiwa chah ktah da sñiawkhia ki ya ka Pension Scheme, 2026 heiwa hadien wa phyllu yumut wa kiwi ki seiñ da rai wow pyrchah ya kani ka Scheme wei wow e dorkhat cha ka sorkar.
Da ong u leh wa ka Scheme phær ko na kawa da tyrwa chwa namo ka Draft.
Chooh chooh da ong u wa ka Draft yong ka Scheme ha u snem 2023 da klam pynbait heiwa da e leh yeiwa da rai ha ka High Court tangwa kani ka Pension Scheme 2026 phær ko bak.
Discussion about this post