Hadien wa haap moo ynnin ka 20 tarik ha i bynta u sarok Shillong-Dawki ha chnong Mawlieh heiwa da chah ban kawi ka kari Bolero Pick-Up heiwa ar ngut kiwa em hapoh da dooh noh ki yei mynsien.
Neiliang u Additional Deputy Commissioner ka Pynursla Civil Sub-Division da pyntip u wa ini i bynta ha Mawlieh dang man hi i i wym hoi u lai kari wei kattæ nei rukom man ka suiñbneiñ wei dang em leh i tih moo wei khyndaw ha ki chariñ loom, ye wow jia i haap moo haap khyndaw iwa ye wow booh hei maa yei mynsien bru.
Kamtæ da pynmih hukum wa i bynta nadooh na Laitlyngkot hadooh Mawlieh u pteiñ i wow man iwa khang neibynta waroh ki jait kari.
Ini i khang ya u sarok daw pteiñ i hadooh wa ye u pynkhooid ya u sarok tangwa ki moo toh kiwa dang pteiñ wow haap.
Kamtæ da kyntu ya ki paidbah wow thooh luti ki da kiwi neibhah ya u sarok u pteiñ wow khang oo kat hadooh wa da tikna wa da hoi u wai oo.
Discussion about this post