U Deputy Chief Minister ka jylla, u Sniawbhalang Dhar ynne da ong u wa ka Public Rally ka Voice of the People Party (VPP) wa kynthup ya ka Project ha Lumpongdeng toh iwa emyatoh wa ka Shillong Lok Sabha Bye Election.
Da pynrap u deiwa ong wa ka VPP da sdang ko wow yalap ya ka Election chiteiñ samoi ka Lok Sabha heiwa da ong u wa ka NPP u sdang ko ya ka Campaign ha u May 2026.
Heiyatoh wa i rai ka sorkar wow pyndam ya ka Project ha Lumpongdeng, da ong u wa i rai toh katkam wa da klam u Deputy Chief Minister wa u Cabinet Minister, u Wailadmiki Shylla.
Heiyatoh won wa i mang ka VPP ya ka NPP, u Sniawbhalang da ong u wa waroh ki Party em ki i kaamram yong ki wow yalap ha ka Bye Election, wei kopsar kwah ki ya ka Lumpongdeng kam ka mat.
Hajrong i tyrwa u wow kyrriah ya ka 5 Star Resort na Umiam cha Wahiajer lada pyrchah ki bru, u Sniawbhalang da ong u wa waroh pdiang ki ya ki kaam pynroi wei katni ka sorkar da ap ko yei sur ka Synjuk Ki Rangbah Shnong ka Ri-Bhoi District.
Discussion about this post