Katkam wa da hukum da ka Directorate General of Fire Services, Civil Defence and Home Guards (DGFSCD&HG), Ministry of Home Affairs (MHA) ka sorkar India, neiliang ka Directorate of Civil Defence & Home Guards, Meghalaya daw pynman ko ya ka Civil Defence Mock Exercise on Air Raid and Blackout kawa da e pyrtuid “ARMEX-I 2026” ha ka 24 tarik uni u bnai April 2026.
Ya kani ka Mock Exercise daw pynman ha waroh ki District ka jylla deiwa chimbynta ki bru ka Airforce, Army, Police, SDRF, Home Guards, Civil Defence Wardens & Volunteers, Fire & Emergency Services, Health Department, Power Department, SDMA, DDMA, DIPR, ki dorbar chnong, ki NCC, ki NSS, ki NYKS wa kiwi de.
Kani ka ARMEX-I 2026 daw pynman ka ha ki ar bynta namo ki Stage heiwa ha ka STAGE-I daw pynman yei pyndur wow lai thooh, lai yarap ya kiwa mynsoo, i tympleh diñ, i sumaar ya kiwa mynsoo wa kiwi de katwa ha ka STAGE-II daw pynkieh ya ka Air Raid Siren wei daw em ka Blackout namo i pyndooh bordiñ.
Ka STAGE-I toh kawa daw sdang heipor 3:00 waje i sngi wei daw pynkut heipor 4:00 waje katwa ka STAGE-II daw sdang heipor 6:59 i janmiet wei daw pynkut heipor 7:02 i miet.
Kam ka dak wa sdang ka STAGE-I, daw pynkieh ya ka Civil Defence Siren wei manda kut daw pynkieh biang.
Ka Blackout namo ka pyndooh bordiñ daw neh ko ar minit donhi 6:59 hadooh 7:02 i miet. Da kyntu leh ya kitu kiwa em Inverter wow tympleh ki ha ini i por.
Kamtæ da kyntu ya ki paidbah wow chimkhia ki yeini wei wow ya krehlang yow pynman ya kiwa chong chnong kiwa da pynkhreh.
Discussion about this post