Ka kynthai kawa na Guwahati kawa tip kam ka Bhabana Sarma kawa man kam kawa sikai skur kawa wiar nadooh ynnin i step ka 24 tarik heipor kamwa 11:00 waje, da chem ka ynne na Shillong.
Da chem ya ka deiwa Phone ko cha ka bei ko deiwa pynemkaam da ka Phone kawi won ka bru heiwa da yaam ko leh.
Ya ka Bhabana da chem heipor kamwa 7:00 waje ynne i step najan Polo Tower Hotel, Shillong.
Katkam wa pyntip ki pulit ka Assam, ka Bhabana da Book kari nyngkong ko yow lai cha Guwahati Airport tangwa pyndam won ko ka, hadien ini da Book ko sa kawi yow lai Adabari wei ya kani leh da pyndam ko ka.
Khaddooh wa em wa yoo ka toh ha Jalukbari Rotary Club hadien wa sai poisa ko na ka ATM kamwa Rs. 7000 heiwa da su ko Rs. 70 cha uwi u bru. Hadien ini da tympleh ko leh ya ka Phone ko.
Ka Bhabana toh kawa da ieh yei kreh ko kam kawa sikai skur ha ka 28 tarik u March wei yei daw wa wiar ko ym pu tip che tangwa em ki khubor ki wym pu ye u pyntikna wa phah Message ko cha kiwa ha-yung ko wa em ko hei maa.
Discussion about this post