Hadien wa slem da ki bnai, ka Meghalaya Cricket Association (MCA) Indoor Cricket Academy ha Kurkalang, Ri-Bhoi District da wai (Virtually) noh ya ka ynne da u Prime Minister Narendra Modi na Sikkim chirup wa kiwi ki Indoor Stadium ha ki 6 jylla ka thaaiñ mihsngi.
I slem wow yoh u wai ya kani ka thaw toh nei wym biang ka bordiñ neibhah wa emkaam ya u Transformer wei ini da chem da u President ka MCA, u James P.K. Sangma hawa lai pait syndet ya ka.
Ya u mooyurim wow chna ya ka ha Ri-Bhoi wa ha ki san tylli ki jylla (Arunachal Pradesh, Manipur, Mizoram, Nagaland wa Sikkim) da booh (Virtually) da u President ka BCCI, u Roger Binny wa u Secretary u Jay Shah ha u May 2024.
Kani ka Academy wa nyngkong ha Meghalaya toh kawa da pynlut poisa da ka BCCI kawa da chna ha Madan Kurkalang ha i thaw wa e ka Lumdaitkhla Dorbar Shnong. Ha kani ka Academy da em 4 tylli ki Full Length Practice Pitch, ka Swimming Pool, Gym wa ki Dressing Room.
Hadien wa lai pait ya ka, u James da thoh u cha ka Meghalaya Energy Corporation Limited (MeECL) wow pyndait ya u Transformer wei da yaklam u leh wa u Chief Minister, u Conrad K. Sangma wow chimkhia yeini wei du hapoh 12 sngi da pyndait noh ya u Transformer.
Discussion about this post