Jowai: Ha ka yahun 2nd Division ha pyrdi ka Umchangiar SC prychah ka Lion SC ka Umchangiar da jop ko da le kool la nod. Ïa ki kool ïong ka Umchangiar da thap da u Dawyoo Laloo ha ka minit wa 24, u Yatha Dkhar ha ka minit wa 32 wa u Heobormi Niangti ha ka minit wa 46. Ïa ka Lion da thap da u Deibormi Rangad ha ka minit wa 59.
Ha ka Super Division da ïachem ka Khimusniang SC pyrchah ïa ka Chilliangraij SC. Ka ïalehke da yoh ia kiwa jop hadooh wa kut ka ïalehke heiwa u Donbok da thap u ïa ka kol wa pynjop ïa ka Khimusniang ha ka minit wa 90+1 kawa e ïa i jop da 1-0 ia ka Khimusniang SC.
Discussion about this post