Baghmara: Waroh ki dkhot ka seiñ A’chik Songna Anchakpagipa Kotok (ASAK) da wan pyndem suloi ki ynne ka sngi heipor 3 waje i sngi ha khmat ki pulit ha South Garo Hills hei emlang u Abraham T. Sangma, MPS, SP ka South Garo Hills.
Ya ki dkhot ka ASAK da yah khmat da u Reding T. Sangma uwa 37 snem i rta uwa man leh kam u Commander-in-Chief wei da e kti u leh cha ki pulit ya ka wi ka suloi HK Rifle wa 128 tylli ki kuli, u wi u HK Magazine, 3 tylli ki suloi SBBL wa 18 tylli ki kuli kini ki suloi, 4 tylli ki walkie talkie, 31 tylli ki seal ka ASAK, ki chithi paan poisa na ki paidbah wa 22 tylli ki tiar tympdung.
Waroh kiwa wan pyndem ynne ka sngi da em ki 8 ngut kiwa kynthup ya kiwa dang 17 snem, 18 snem wa 19 snem i rta. Na kini ki 5 ngut toh kiwa keiñ suloi katwa le ngut won toh kiwa saam chithi ya ka seiñ.
Kani ka seiñ toh kawa kreh kaam hapoh ka South Garo Hills District wei da booh ko yei mynsien ki bru hapoh ka district hei ma na ki kaam wa leh ko pyrchah ya ki aiñ.
Discussion about this post