Rem ka Mamata da 15,105 Vote ha u kyrtong ka BJP

Ha ka yaleh wa ya thaiñ bha hapyrdi ka Mamata Banerjee na ka All India Trinamool Congress (AITC) wa u kyrtong ka Bharatiya Janata Party (BJP), u Adhikari Suvendu na Bhabanipur Constiuency ka West Bengal, hawa kut u Adhikari da jop u da 15,105 deiwa yoh waroh 73,917 Vote katwa ka Mamta da yoh ko 58,812 Vote.

Waroh ki kyrtong kiwa da yaleh da em ki 12 ngut wei na kini 6 ngut toh ki kyrtong samen heiwa uwa boon dooh wa yoh Vote na ki toh u Subrata Bose uwa da yoh 306 Vote. Ya kini waroh da tam da u NOTA uwa da yoh 829 Vote.

Hadooh ka Round 6 tam ka Mamata tangwa nadooh ka Round 7 tam u kyrtong ka BJP.

Hawa yaklam wa kiwa thoh khubor hadien wa rem, ka Mamata da ong ko wa da em palat 100 tylli ki Seat kiwa da chah tooh ha ka BJP wei ka Election Commission toh ka BJP Commission heiwa ka da ujor ko pyrchah yeini cha u CO wa u Manoj Agarwal tangwa ym em leh ki iyi iyi.

Related posts

Pynche ka sorkar yeiwa pynkrehkaam ya ka Pension kiwa sikai Deficit hadien wa mih i pyrchah

May 4, 2026

Phylla ka TMC wa tam ka BJP ha ki thaw wa boon ki Muslim

May 4, 2026

Da ong ko wa ini iwa jop ka BJP ymtoh deiwa khooid neibhah waroh iwa da leh nadooh ka Election Commission deilang ki Central Force chirup u Prime Minister wa u Home Minister man ko pyrchah ya ka aiñ.

Kattæ leh da ong ko wa AITC daw khai biang ko.