I pynemkaam da kiwa sikai neibynta wow lai thoh Census man ko pyrchah ya ka aiñ: JNC

Ka Jaiñtia National Council (JNC) Khliehriat Circle ynne da ujor ko ha u Deputy Commissioner & Principal Census Officer ka East Jaiñtia Hills District wow dawa sangeh yei phah ya kiwa sikai skur wow thoh ya ka Census 2027 ha ki yung bru deiwa kdaw wa ini man i pyrchah ya ka riti synchaar ka ri wei i hok ki khynnah na ri-loom hapoh ka District.

Ya ka seiñ da yahkhmat da u Diamon Bareh uwa man u Working President wa u Symboh Baiar Sumer, General Secretary Khliehriat Circle deilang wa kiwi ki dkhot.

Ka seiñ da kdaw ko wa ini i phah ya kiwa sikai man i pyrchah ya ka Section 27 wa ya ka “Right of Children to Free and Compulsory Education (RTE) Act, 2009”, iwa ktah ya ki khynnah wow dooh ki yei hok i puræ puthi. 

Da kdaw wa ka Allahabad High Court ha ka mukotduma “Chandani Devi & Ors. vs. State of U.P.” (W.P. No. 26228/2021) da klam che ko yeini wei wa ka Section 25 yong ka RTE Act booh ko ya ka Pupil-Teacher Ratio (PTR) heiwa u em kiwa sikai katkam ka bhah wa em ki khynnah.

Da kdaw leh ya ka Article 21-A ka Constitution ka India kawa e yei hok wow yoh ya ka puræ puthi ya uwi pa uwi wei ym ye wow tyngkheiñ yeini deiwa sai ya kiwa sikai napoh ki skur yow thoh u taar ya ka Census.

Related posts

Ki dak ktien Pnar dang sah ha u Lat wow e yei tipmit: Wailad

May 5, 2026

Poi ki hati khloo chadooh Lawbah wow thooh baam | Tieñ kiwa chong chnong wow lai rep

May 5, 2026

Chooh chooh ka seiñ da ong ko wa ka sorkar pyrdi da booh bhah ko Rs. 11,718.24 klur neibynta ka Census 2027 deiwa kylli katwon ka bhah wa yoh ka District katwon wa daw pynlut wei pynlang.

Da beiñ ko leh ya ka sorkar yei wym leh ya ka Awareness Program neibynta ka Self Enumeration Facility (May 1–15, 2026) heiwa boon ki chnong ki wym em Internet, neitæ u batai ya ki ktien wa thoh ha ka website ka Census wa kiwi.

Kamtæ ka seiñ da dawa ko wow sangeh u phah ya kiwa sikai wow leh yeini hapoh i por wa man skur hapoh ka District wei wow thung da ki bru paidbah wow yoh khih ki, wow booh ya ki Block-Level Census Facilitation Help Desk da ki Pnar chwa ka 15 tarik u May 2026, wow pynyinsur yei por Self Enumeration ha ki Block wa jngai deiwa dawa wow e dei thoh hapoh 7 sngi wow khana ya katwon ngut kiwa sikai wa da phah poisa wa da pynemkaam.

Hajrong ini u Deputy Commissioner da kular u wow klam yeini wa ka sorkar jylla.