Ka Jaiñtia Students’ Union (JSU) Central Body da yachem ko wa u Montri ka chnat Puræ Puthi, u Lahkmen Rymbui ynnin ka sngi ha Jowai Polytechnic heiwa da e kti leh ya ka dorkhat kawa yatoh wa iwa boon i eh wa chem kiwa lai skur, kiwa sikai ha ki skur wa College ka Jaiñtia Hills waroh kawi.
Yeini da leh hadien wa dadep u yachem wa ki Principal yong ki skur sorkar deilang ki College heiwa da chem wa em boon ki duna kiwa ka sorkar hap ko u pynbait smat yow yoh yei miat i bha neibynta kiwa wan na ka manyung wa dooh wa duk.
I dawa yong ka seiñ man ki kamni:
I pynkreh ya ka aiñ yow pynbait yow bood kyndon i rukom su bai skur kawa ye wow pynduna ya ka bai skur kawa man i myntoi ya kitu kiwa wan na ki manyung mansem kiwa dooh wa duna.
Yow pynheh chooh chooh ya ka Evening Shift ha waroh ki skur wa ki College.
Yow thung ya ki kaam wa lait kiwa sikai kam ha ka Biology Department ha Government Girls’ Higher Secondary School Jowai deilang waroh kiwi kiwa dang thylli.
Da dawa leh wow chna thymme noh ya ka Government Girl’s Hostel kawa em ha Mynthong, Jowai neibhah kani ka thaw toh kawa da ieh khlem da pynchna da boon tylli ki snem heiwa da kyntu ya ka sorkar wow tympra noh ka wei wow chna thymme iwa daw yarap ya kitu ki khynnah kiwa wan na ki thaw wa jngai.
Heiyatoh wa ka National Education Policy 2020, da kyntu ko ya ka sorkar wow e ko ya ki Smart Classroom, ki Science Lab wa ki Vocational Tools deiwa thung leh ya ki Trained Counselor yow kyrchaan yeiwa khai wa chon hei pyrkhat pyrdaiñ ki khynnah skur.
Ka JSU da pynchlur ko ya waroh ki khynnah wow psiah ki cha ki Evening Shift heiwa dang em kiwa dang lait lada dap lut ki Morning Shift khnang yaw yoh ki u pteiñ yei puræ puthi yong ki.
Discussion about this post