Shillong : Ha kini ki sngi wa da dep da mih boon ki khubor wa paan ki bru ya ki yutip yong ki Debit Card/Credit Card kam ki Card Number, ki Pin Number wa kiwi kiwi wei da chah thok ki ha ki bru kiwa kam toh ki man ki kiwa kreh ha Bank wei em leh kiwa booh Advertisement ha ki kotkhubor wow thap kreh deiwa phah thap poisa wei hadien won chah thok ki.
Da em leh kiwa phah chiboon leh ki dur wa ki video lyngba ki Social Media kiwa pyrchah niam, pyrchah ri, ki dur wa ki video khlem akor wa kini waroh ktah ko yei pyrkhat kiwa yoh næ yoo ya ki.
Hei yatoh wa kini ki bor pulit kamjooh wa ka sorkar da kyntu ki wym hoi u e ya ki yutip chaphang ki Bank Account, ki Card Number, ki Pin Number wa kiwi kiwi.
Da kyntu leh wymhoi u chah pynbiej ha kiwa kam wow yarap e kreh kamjooh leh ymtoh u phah ya ki dur wa ki video wa pyrchah ya ki niam, ka ri, ki dur khlem akor, wa kiwi kiwi cha ki bru wym tipmit.
Lada chem kam kitæ da kyntu wow lai pyntip bran bran cha ki thanat (Police Station) næ Cyber Assistance Cell næ deiwa phone ha u Number: +91-364-2504001, Mobile number: +91-9615191002 , Email ID: [email protected].
Discussion about this post