I pyntip wa sñiawsih cha phi ki lok ki jor, ki kha ki man, ki kur ki jait wa da khlaad noh u Tbn. Kerson Bareh uwa man u Tymmen Basan Rangbah ka Balang Presbyterian Kairang, u kurim ka Kong Midil Nongtdu wei man u leh kam u Waheh Chnong warim ka chnong Kairang, East Jaiñtia Hills.
Ya u Tbn. Kerson Bareh da kha ha u snem 1939 wei da i mon yong u Blai, ka Balang Presbyterian Kairang da jied ko ya oo kam u Tymmen Basan ka Balang ha u snem 1992 wei da chakri u ya ka Balang la kamwa 34 tylli ki snem hadooh ka sngi wa da khlaad u na sla pyrthai ha ka miet 11 tarik u May 2026 heipor 10:45 PM.
U Tbn. Kerson Bareh jooh man u leh kam u Waheh Chnong ka chnong Kairang kamwa 6 snem lynter wei man u leh kam uwi na ki Life Members ka Synjuk Waheh Chnong East Jaintia Hills District.
Kamtæ kani man ko i pyntip cha waroh ki lok ki jor wa ya ka met wa sah yong u Tbn. Kerson Bareh daw pyndep ya ka lehniam wa khaddooh ha u loom tlep-bru ka Balang Presbyterian Kairang ha ka 13 tarik u May 2026.
I pyntip lyngba u R. Nongtdu, u ksu yong u Tbn. Kerson Bareh uwa man leh kattæ kam u Waheh Chnong ka chnong Kairang.
Discussion about this post