Ki le ngut ki muktiar ka East Jaiñtia Hills, kitæ u Dawanmon Pachiang, u Jimmy Pdang wa u Federick Muliar da booh ujor ki ha u Inspector of Legal Metrology pyrchah ya ki Petrol Pump wa em hapoh ka District.
Ha kani ka ujor da ong wa ki paidbah da ood da naam ki wa kiwa boon ki Petrol Pump toh kiwa leh pyrchah aiñ deiwa pynduna ki yei phñiang Petrol wa Diesel wa mih, i ym wym yatoh de katkam i dor wa su ki paidbah.
Da ong leh wa kut wa ujor ki paidbah, kini ki Petrol Pump ym bien ki wow pynyoo wa i phniang wa e ki man i katkam wa toh u e wa katkam ki kyndon ka aiñ, wei ini pynyoo ko wa em i leh thok wei chukor ya ki bru paidbah.
Neibhah katkam ka aiñ, ki Petrol Pump hap ki wow pynyoo paidbah wa e sakhiat ki yei phniang katkam wa thied ki bru, u booh ki Certificate wa pynyoo wym em chah wai ki Seal, ym em chah tba ki tiar ki tar yow pynduna yei mih phniang wa kiwi de.
Kamtæ da dawa wow lai pynman ya ki Inspection wa ki Special Checking Drive ha waroh ki Petrol Pump wa em hapoh ka East Jaiñtia Hills yow pyntikna wa krehkaam ki katkam ki kyndon ka aiñ wei wow pyndam ya ka License kitu kiwa myllien wow tyngkheiñ ya ka aiñ.
Discussion about this post