Kiwa rep ka Lapangap da pynsñiaw ki yei sñiawsih wa da chah pynyang ki deiwa ong nyngkong ya ki wow yang hadooh ka 6 tarik wei hadien won ha ka 9 tarik neitæ won ha ka 12 tarik hadooh wa ki symbe jhoor da haap khyndaw ki kattæ khlem da yoh u lai hiar cha ki lyngkha cha ki thaw rep ki deiwa khanglaad ki Karbi.
Uwi na kiwa rep won da ong u wa da chah pynbiej ki ynnin ha Shillong neibhah wa tieñ ya chah tympra ka Secretariat yow bien ki u liwan chnong.
Kawi won da ong ko wa da em ki symbe wa dadep u chara chibhah tangwa tang chi wakhu leh ym pu yoh u pooh.
Sa kawi won da ong ko wa lada phah ka sorkar da ki hajar ngut ki pulit leh ym em myntoi lym chimkhia ka sorkar u pynbait u yaklam wa ka Assam.
Da ong leh wa lada lai thung leh ym em myntoi neibhah daw wan phut ki Karbi hadien, wei lada im leh manda mut won u ah leh ym yoh won.
Kam wow pynkynmoo wa ynne kiwa rep ka Lapangap deiwa synraan ki pulit da mih ki wow lai rep ha Pynthor Lakawang tangwa da mih ki Karbi na chiliang loom yow pynyoo yei pyrchah.
Discussion about this post