Ki 85 ngut kiwa dang thung kreh kam ki Lower Division Assistants (LDA) hapoh ka Secretariat Administration Department ka sorkar Meghalaya, da pyndep ki ya ka e sikai wa ar tayaaw kawa tip kam ka Induction Training Programme (ITP) kawa da pynkut ha ka 12 tarik uni u bnai deiwa yabhah ar tylli ki Batch kawa da pynman ha Meghalaya Administrative Training Institute (MATI) wa em ha Mawdiangdiang.
Ha ka sngi pynkup burom ya kiwa da pyndep ya ka Training da wan wow sakhi da u Sosthenes Sohtun uwa man kam u Minister ka Secretariat Administration Department uwa da ong wa emkaam bha kam kani ka Training khnang yow biang ka yurim chwa wow sdang u kreh neibhah ki LDA man ki kiwa emkaam bha yow lai bait i kreh ka sorkar.
Da yaroh u leh yeiwa da sikai ya ki LDA wow pynemkaam ya ki Artificial Intelligence kam ka ChatGPT wa ka Perplexity kiwa daw yarap bha wow pynpliah yei kaam i jam.
Da pynchlur u ya ki leh wow man kiwa ryntih, kiwa em burom hawa e ki yei kreh neibynta ki paidbah.
Neiliang won u Swapnil Tembe, Director, MATI da ong u wa deiwa em kam kini ki Training chwa u sdang kreh daw pynman ko ya kiwa kreh kiwa da tip ya waroh iwa emkaam ki u tip manda sdang yei kreh.
Discussion about this post