Ka sorkar Meghalaya hadien wa da yoo ko yei yoh myntoi kiwa boon na ki jait e sikai lyngba ka Skills Meghalaya State Scheme (MSSDS) heiwa da em kiwa boon kiwa da ye wow seiñ khih kamjooh kiwa da yoh kreh.
Da sdang sa soo tylli ki Scheme thymme:
Kawi toh ka Post-Training Support Scheme (PROPEL: Post-training Resources for Occupational Progress and Enhanced Livelihood) yow yoh pynpliah chooh chooh kitu kiwa dadep yoh sikai yow ye u yoh ki ya ka tulop wa rap heh kamjooh leh yow man ki kiwa da pynkhreh wow psiah cha kiwa boon ki jait karkhana wa kiwi de ki thaw kreh.
Neibynta ini da booh Rs. 36 klur yow pynbiang ya ki Start-Up Tools cha ki 21,000 ngut kiwa chah sikai.
Da booh leh Rs. 3 klur neibynta u yarap pynyoh kreh, Rs. 10 klur cha kitu kiwa dadep yoh kreh wa Rs. 1 klur neibynta ka Marketing & Industry Linkage.
Ka Scheme wa ar toh kawa tip kam ka MEGASKILL (Meghalaya Excellence in Global Arena through Skills for International Learning & Leadership)
Kani man ko wow yarap u seiñdur ya kitu kiwa em yei sap deiwa yarap ya ki wow lai chimbynta ha ki yakob waphær waphær wei kawi na ki thong toh yow lai chimbynta kam ha ka WorldSkills Competition 2028 ha Aichi, Japan. Yow leh yeini daw sdang wow pynman ki yakob ha ki District yow ye ki u lai cha ki yakob hapoh ka ri yow ye ka Meghalaya wow mih pyrtuid hapoh pyrthai.
Kiwa jop daw yoh ki yei yarap poisa wei daw kyrchaan poisa ka sorkar ya ki wow lai chimbynta ki hapoh ka ri wa cha baar ri.
Ka Scheme wa le toh kawa tip kam ka Caregivers (SHIELD – Skilled Homecare Initiative for Employment & Livelihood Development)
Ka Care Giver and Home Support Scheme, 2026 man ko neibynta kitu kiwa e sumaar sukhær deiwa lai cha ki yung ki sem. Wei yeini daw leh deiwa e Training deiwa e leh ka Certificate deilang i pynyoh kreh ya ki.
Ka Scheme wa soo toh kawa tip kam ka Inclusive Skilling (EQUIP: Equal Quality Inclusive Program)
Kani man ko neibynta wow yarap ya kitu ki khynnah kiwa chem chitom, kiwa da hap sah ha ki Children’s Home wa ki Adolescent Centre yow ye biang ki u psiah cha ka imlang sahlang kam kiwa da ye u yoh kreh.
Hapoh kani ka Scheme daw kynthup ko ya ki Children in Need of Care and Protection (CINCP), kiwa em 15–18 i rta, kiwa em ha ki hapoh ka Mission Vatsalya manda dap ki 18 snem, kiwa em hei duna hei bor i doh i pran, kiwa chah kset patok, ki wa em ha ki Rehabilitation Centres wa ki Halfway Homes deilang kiwa kreh mylla ha ki yung ki sem ki bru wa kiwi de kiwa kreh mylla.
Discussion about this post