Jowai: Ha ka 10 wa ka 11 tarik uni u bnai kam chibynta ka Winter Fest 2017 daw pynman ya ka Tisang Beach Festival ha Kwator harood ka wa wah Tisang wa tip leh kam ka Myntdu.
Ha kini ki ar sngi daw em boon ki yalehke kam ki Beach Football, yakop chaad, yakop yimpa, i psiah krem, i pynyoo phlim, ki DJ, kiwa rwai Hiphop, ka Fashion Show wa kiwi kiwi.
Kiwa kwah u chimbynta ha ka yakop chaad ka bai psiah toh T. 300 chi khlieh wei ya kiwa yoh nyngkong u yoh ki T. 5,000, wa ar T. 3,000 katwa ki wa yoh wa le won u yoh ki T. 2,000.
Ha ki ar sngi ka Tisang Beach Feastival u sdang ko nadooh 11 waje i step wei ki paidbah ye ki u sakhi ya ka yakop kiñ lieñ, yakop yimpa, u chong lieñ u psiah cha ki krem, lai paitke ya i thaw kñia bru u syiem Jaiñtia wa em ha Borghat wa kiwi kiwi.
Nadooh 5 waje i janmiet won u sdang ya ka yakop chaad, i pynyoo phlim, ki rwai na u Ram Suchiang, Deiwitawan Synnah wa kiwi kiwi. Daw em leh ki DJ wei ha i janmiet wa khaddooh daw em leh sa ka Fashion Show.
Ka luti wow lai cha kani ka thaw em ki ar tylli. Ye phi u lai lyngba Jowai-Amlarem-Pdeiñshakap-
Ye phi leh u lai na Jowai-Ladrymbai-Rymbai-Bataw-
Ya kani ka Tisang Beach Festival da pynman da ka Borghat Jaliakhola Aquatic Life Association hei ya krehlang wa ka yung krehkaam u Deputy Commissioner ka West Jaiñtia Hills District, District Sports Officer West Jaiñtia Hills District wa ka SDO Amlarem.
Discussion about this post