Jowai: Ka Synod ki khynroo khyllood ka KJP Mihngi wa sdang nadooh ka 3 tarik hadooh ynne ka 5 tarik da pynman ya ka da ka Balang Presbyterian Mihmyntdu.
Ka phang yong kani ka Synod toh “To man phi kiwa khooid” (1 Petros 1:16).
Ha ka yaseiñ paidbah wa yoh u sakhi wa pynman heipor chi waje i sngi ki paidbah da wan ki da ki phaw hajar ngut yow sñiaw ya ki ktien yalap na u Rev. K. Pariat kamjooh ki rwai Choir na ka Balang Mowtyrchiah, ka Balang Mihmyntdu, ka Standing Choir ka JSKJPSM wa na ki Delegates.
U Rev. K. Pariat hei klam u na Ioanis 11-11 da pynkynmoo u ya ki khynroo khyllood wow man ki kiwa stat u jied ya ki lok ki jor kamjooh ya ki kurim watang wei wow jied ki ya ki bru wa bha mynsien wei kiwa hok wei ym hoi u kdong ya ka spah ka wym pynhun yei mynsien yong u bru.
Da ong u leh wa i kwah rahah u bru katni da pynjæd tympra ko ya ka bei rymaw wei yeini cha i leh da yoo khamtam ki um ki wah kiwa da chah ktah bha.
Ka yaseiñ wa khaddooh kani ka Synod da pynman heipor 6:30 i janmiet.
Ha kani ka sngi da wan sakhi leh da u MP ka Shillong Parliamentary Constituency u Vincent H. Pala, u MP ka Tura Parliamentary Constituency u Conrad Sangma,u CEM ka JHADC u Thombor Shiwat, u Dy. CEM ka JHADC u Andrew A. Shullai, u MDC ka Jowai South u Moonlight Pariat, u Dolloi ka Elaka Jowai u Puramon Kynjing, u Hopeful Bamon MLA ka Sutnga-Saipung wa kiwi kiwi.
Discussion about this post