Ka jylla Meghalaya ynne da soi ko ya ka soskular wa tip kam ka ‘Host State Agreement’ neibynta ka 39th National Games 2027 ha J.N. Sports Complex, Shillong heiwa da wai leh ya ka Integrated Multipurpose Indoor Hall.
Ha kani ka sngi da emlang u Union Minister for Youth Affairs and Sports, u Dr. Mansukh Mandaviya, u Chief Minister, u Conrad K. Sangma, ka Union Minister of State for Youth Affairs and Sports, ka Raksha Nikhil Khadse, u Meghalaya Sports and Youth Affairs Minister, u Wailadmiki Shylla wa ka Indian Olympic Association President, ka Dr. P.T. Usha.
U Dr. Mansukh Mandaviya hawa e i klam da ong u wa ka sorkar pyrdi kwah ko wow pynkhlan wei pynku ya ki yalehke ha Northeast.
U Conrad K. Sangma da ong u wa i soi ya ka soskular man iwa sarong ya ka Meghalaya wei ka jylla kattu ye ko wow man ka thaw wow yalehke Sports ha ka ri.
Neiliang ka Dr. P.T. Usha da ong ko wa ini man i kaam wow pynku ya ki kaam yalehke Sports ha Meghalaya dei sñiawskem wa daw jop i pynman ya ka National Games 2027.
Kani ka Integrated Multipurpose Indoor Hall daw pdiang ko ya ki yalehke wa har rukom yong ka National Games wei daw wailaad ko ya kiwa lehke na ka thaaiñ.
Discussion about this post