I thooh ya u khynnah uwa na Myrjai uwa da chah rah ha ka Umramai ynnin ka sngi heipor kamwa 2:00 waje haroh da pteiñ i hadooh ynne heiwa heipor kamwa 1:00 waje i sngi da chem yei metyap u narood ka wah Myntang ha i bynta wa dang haap hapoh ka chnong Myrjai hi.
Ini i thaw wa chem yei metyap toh iwa jngai kamwa 2 Km na i thaw wa jia.
Kam wow pynkynmoo wa ynnin ka sngi, ki chipayu, u Sat Dkhar (8 snem) wa ka Maniung Dkhar (9 snem) da chah rah ki ha ka um heipor wa lai sait that ki wa kawi ka payu arbei ki kawa em 15 snem i rta.
Yei metyap ka Maniung da chem pyn ynnin hi hajan i thaw wa jia katwa yei metyap u Sat da chem ynne ka sngi.
Ka payu arbei ki heipor wa wan ka um heh da chah rahlang ko deilang u Sat wa ka Maniung tangwa ka da ye ko wow ksaaid yow poi cha rood um wei da yarap ya ka da kiwa rep wa em chajan kiwa yoo yeini wa jia.
Discussion about this post