Poi yung biang uwa chah dat deiwa yoh u yut chapoh khloo

U Ebenezer Laloo uwa da wiar nadooh i miet ka 30-05-26, dapoi yung biang u hei miet ka 01-06-26 hadien wa yoh u yut na ki bru wa dat oo.

Katkam wa pyntip kiwa ha-yung ha-sem u Ebenezer, hei miet ka 30 tarik da lai u yachem wa uwi u bru wa phah wan oo uwa man leh kam u bru wa tipmit u yow yaklam heiyatoh wa iwi i kaam wa em kawa pynbaad ya u Ebenezer.

Kamtæ da lai u wa uni u bru cha yung u yow yaklam tangwa da yah pathan u oo cha iwi i thaw wa rap khloo heiwa heitæ i thaw da em chwa kiwi kiwa yang wei waroh kini ki bru da em ki kamwa san ngut haroh.

Ha ini i thaw da mih i yania hadooh wa poi chei yachoh yadat wei heipor wa kini ki bru dang Phone bru ki yow wan chooh chooh wa kiwi, u Ebenezer da chim kabu u wow Phone kat chawa yoh heiwa da lai cha ka Number u payu u uwa da sñiaw yeiwa yaklam kini ki bru wa em ki ha Mawblei.

Related posts

Da looid wei kyrriah ya u mot u Messi ha Kolkata

June 2, 2026

Sdang i thap pyrtuid neibynta ka Election MP Rajya Sabha

June 2, 2026

Heini i por u Ebenezer da yoh u leh ka laad wow yut chapoh khloo heiwa da kdong kini ki bru oo nadien deiwa chba da ki Mobile Phone.

Neidaw wa tieñ ya yoh biang kini ki bru oo, da yut u napoh khloo bait waroh chimiet hadooh wa poi cha u sarokbah Shillong-Jowai wei da ku Truck u hadooh wa poi cha Ummulong.

Hadien won da liwan biang u cha yung u ha Madanrting, Shillong heiwa dapoi yung u heipor janmiet.