Ki dkhot ka Khasi Students’ Union (KSU) ynne da wah wei rah Banner ki ha kiwa boon ki bynta nadooh na Umiam hadooh ha Shillong kam wow pdiang sñiawbha ya u Home Minister ka ri, u Amit Shah uwa da wan cha Shillong ynne yow chimbynta ha ka yalang ka North Eastern Council.
Ha kini ki Banner da thoh ya kiwa boon ki dawa nadooh ka ILP, i pyrchah yei tih Uranium, i booh bhah kreh hapoh ka North Eastern Indira Gandhi Regional Institute of Health and Medical Sciences (NEIGRIHMS) neibynta ki tre chnong ka jylla wei wow pynbait noh ya u pood hapyrdi ka Meghalaya wa Assam.
Ha Umiam da yoo ya ki pulit kiwa da wan wow kylli lada yohbor ka seiñ wow pynman yei yakhih heiwa da jubab wa da wan ki deiwa jai-jai, kamtæ ki pulit da ong ki wa da pynthut ini yei lai i wan heiwa ki dkhot ka seiñ da ong ki wow kyrriah.
Neiliang ki pulit da pynkhreh ki ya chiboon wow e yada ya u Amit Shah heini i por wa em u ha Shillong heiwa da emlang leh wa ki bru ka Central Reserve Police Force.
Discussion about this post