I khang ya ki sarok ha thaaiñ Polo kam chibynta wow pynsuk yei lai i wan u Home Minister ka ri, u Amit Shah ynne ha Shillong, da pynchrai ko ya ki paidbah.
Ki sarok wa lai cha Polo toh kiwa da khang heiwa kiwa boon kiwa lai luti da sahkut ki wei da chrai ki leh neidaw wym em da pyntip chwa ka sorkar yeini.
Ini da wanrah i yei slem i lai i wan khamtam kiwa beh kreh hadooh wa da chrai ki bru kiwa da hiar napoh kari wa ki thuk-thuk wow lai yania wa ki Magistrate wa em ha kani ka thaw katwa kiwi da pynkieh Horn ki waroh waroh.
Uwi na kiwa sahkut da sñiaw wa yania u wa da slem u wow lai thoh Exam heiwa u Magistrate da ong u wa yeini i khang sarok dadep wow pynmih ha ki kotkhubor.
Em won uwi uwa da ong wa hawa wan ki heh ki haaiñ toh u e syndon da ka chuti katwa kawi won da ong ko wa manda slem u poi chei thaw kreh daw chah Transfer ki cha ki thaw wa em cha kdong cha chmiang.
Uwi won da ong u wa ym tip khubor u wa daw em kam ini i khang sarok.
Neiliang u Magistrate da kyntu u ya ki paidbah wow yaichah ki kattu katni minit donhi.
Hadien wa lai luti u Amit Shah na kani ka thaw da pynlait biang ya ki paidbah wow lai ki.
Discussion about this post