Jowai : Ka Jaiñtia Youth Federation (JYF) Seiñbei, kawa pait wa sylli neipor cheipor yei rukom krehkaam ki tnat sorkar waphær waphær ha Ri-loom Jaiñtia, da e yaroh wei da e khublei ko ya ka tnat PWD kawa pait ya i bha wei kyllooid ki sarok hapoh ka District.
“I chimkhia yong ki bor wa haneiñ nadooh u Minister incharge, ki sahep ka tnat PWD wa khamtam u Deputy Commissioner ka West Jaiñtia Hills District, kiwa da kreh chitom wow pyndep hapoh i por wa biang neibynta wow pynkyllooid ya u sarok NH-44 khamtam u Jowai Bypass nadooh na Soomer hadooh ha Mukhla” da ong ka seiñ.
Ka JYF da ong ko wa yeini i kreh chitom da sakhi da ki phaw hajar ngut ki paidbah kiwa da wan cha ka yaseiñ Synod kawa da man ha Mihmyntdu, ynnin ka 5 tarik.
“I em uni u sarok da yarap ko chiboon ya kiwa wan na Silchar kiwa lai chadooh Guwahati, neibhah ym emkaam de ki u psiah lyngba ka sor Jowai kamwa man nachwa, iwa yarap leh u pynstiñ ya ki pulit pyllai kari neibhah da yoh ki u pait ya ki kaam ha Jowai” da ong u Firmly Rymbai, General Secretary ka JYF.
Ka seiñ da e mynsien ko leh ya waroh ki sahep kiwa da chimkhia wow pyndep hapoh i por wa kamjooh leh ya u Contractor uwa da kreh chitom ya ka kaam wa bha neibynta i myntoi yong ki paidbah ka Jylla.
Also Read: Da wai ya u sarok Jowai Bypass
Discussion about this post