Ha i jia wa sñiawkhia ynne dang step ha nongbah Shillong, le tylli ki kari da chah thang ki ha ki thaw waphær waphær kitæ ha Laban, Mawlai wa Lumdiengjri.
Hadooh kattæ ym pu tip yei daw wa da jia ini wei kiyi kiwa emkti wow thang ya kini ki kari.
Kawi ka kari toh ka Mahindra Thar kawa man ka kari pulit ka Laban Police Station kawa pynyieñ ha Kench’s Trace, kawi won toh ka kari Innova kawa pynemkaam da ka Health Department kawa da chah thang ha Lumdiengjri katwa kawi won toh ka kari wa pynemkaam ka NEEPCO kawa da chah thang ha Mawlai.
Neiliang ki pulit dadep ki wow Register Case wei ka takit dang lai ko chakhmat yow chemdien wei yow kem ya kiwa emkti ha ini i kaam.
Ki bor pulit dang pynlum pynlang ki leh ya ki sabut wei ki yutip waphær waphær yow pynsmat yei takit yeini wa jia.
Discussion about this post