Kam chibynta wow pynbiang sarok ha thaaiñ Sumer wow lai najrong ka Wah Kupli cha Assam, neiliang ka MLA ka Sutnga-Saipung, ka Santa Mary Shylla ha ka 5 tarik uni u bnai da lai pait ko yei thaw yow chna ya u sarok wow pynyabhi ya ka East Jaiñtia Hills District wa ka Assam.
Da ya emlang wa ka MLA deilang u Executive Engineer ka Public Works Department (PWD), East Jaiñtia Hills District, u G. Langstang deilang kiwa yahkhmat ki chnong wa em ha ka thaaiñ Sutnga-Saipung wa Sumer.
Neiliang ka MLA da khana ko wa ini i lai sorjamin toh wow pait neiwon u pynlai ya u sarok cha Assam lyngba ka thaaiñ Sumer yow pynsuk yei lai i wan ki bru kamjooh i kit i bah ya ki mar ki mata yow pynkhu ya ka khayi pateiñ.
Da khana ko leh wa daw emkaam wow chna ya ka yingkieñ najrong ka Wah Kupli yow poi cha Assam.
Ha kani ka sngi da pynman leh yei yaklam wa ki waheh chnong ka thaaiñ Sumer yow tip yei thaw wow pynlai ya u sarok yow myntoilang da waroh.
Discussion about this post