Ka seiñ JSU wa ka seiñ JNC da lai ki wow e yei kyrchaan yei chah thngan u Marshall Biam uwa man u President ka JCOMSWA neibynta i dawa wai noh ya u mooyong.
Neiliang ki ar seiñ da klam che ki cha ka sorkar wa da toh i por khut yaklam noh ya u Marshall neibhah ka sorkar nadooh nachwa jooh yahbakla ko ya ki paidbah hapoh Jaiñtia Hills heiyatoh wa i wai noh ya u mooyong.
Neiliang ka JSU da pynkynmoo ko wa ha u snem 2019 wa u Conrad Sangma da ong u wa lada wan ki hei bor daw pynlait noh yei kaam tih mooyong hapoh Jaiñtia Hills.
Da pynkynmoo leh yeiwa jia ha u snem 2014 heipor wa chah khang u mooyong heiwa da pynman ya ka yakhih yow wai biang ya u mooyong heiwa da em ar ngut kiwa dooh yei mynsien wa kordor ha Wapung.
Kamtæ da ong wa hadien wa dooh yei mynsien bru, kattæ won da dooh sei khih i khan wei katwon u pteiñ ini hadooh wow khyrngiat ka sorkar.
Discussion about this post