Kiwa boon kiwa em hapoh ka Hall ka Rashtrapati Bhavan ha ka 8 tarik uni u bnai da lang umkhmat ki katwa ka President Droupadi Murmu tia ko chaphrang wow e ya ka Award cha ka bei u Sepoy Janjal Pravin Prabhakar.
U Janjal toh u chipai wa da chah siat yap ha Kashmir ha u 2024 wei da yoh u ya ka Kirti Chakra, ka naam wa ar ha ka India heiyatoh wa ki kaam wa chlur.
Yei pyrtuid u Sepoy Janjal da pynbna heipor ka Defence Investiture Ceremony 2026, katwa ka bei u da yieñ ko wow pdiang ya ka Award chirup wa i yaam piahnood.
Heitæ i por ka President Droupadi Murmu da tia ko chaphrang wow e ya ka Award deiwa kdung wei pyntngen ya kani ka manbei.
Discussion about this post