Ka seiñ Hynniewtrep Achik National Movement (HANM) Narpuh Circle ha ka 10 tarik uni u bnai hapoh i yahkhmat u President ka seiñ, u P. Syiemlieh, da e dorkhat ko ha u DC ka East Jaiñtia Hills wow dawa na ka Black Tiger Cement Pvt Ltd kawa em ha Moosianglamare Rim wow pynbha wei chna pynmiat noh ya u sarok kari wa lai cha katai ka karkhana.
Yeini da dawa wow leh khnang wym ktah i laphooh wa hær cha ki dukan wa ki yung ki sem ki bru wa em harood sarok wa ya ki bru kiwa lai lyngba uni u sarok neibhah kiwi ki karkhana ki dadep ki wow pynchna ya ja jiar u sarok.
U P. Syiemlieh da ong u wa khamtam heipor chit sngi joor bha i laphooh kamtæ ktah ko ya ki bru ha i chait i khiah.
Neiliang ka seiñ da ong ko wa lada kani ka karkhana ym leh ko yeiwa emkaam, ka seiñ daw chim ko da kiwi ki laad.
Ha katai ka sngi ym em yachem ki ya u DC kamtæ da yachem noh wa u Addl. Deputy Commissioner uwa da kular wow chimkhia yeini.
Discussion about this post