Ki ar tylli ki seiñbhalang kiwa napoh East Jaiñtia Hills kitæ ka FKJGP-Khliehriat Circle wa ka MPUF-East Jaiñtia Hills da booh ki yei kyrpaad wei kyntu ya kiwon kiwon wym toh u pynman yakhih ki ha ka sngi man yaaw Pyngkat ha Khliehriat neibhah wa ki yakhih kam i chong kyllaiñ myngngor ha u sarok NH-6 ktah ko yei kamai kajih ki paidbah nadooh kiwa kamai Local Taxi, ki kari Tourist kamjooh kiwa chongdai khamtam ha kini ki por wa duna ka khih ka khan.
Da ong wa lada dooh ki paidbah wow kamai laitlooid ha ka sngi yaaw daw man ko i dooh nong wa khroo ya ki najrong wa ktah ko yei lai i wan ki paidbah kamjooh.
Neiliang ki ar seiñ da kyrpaad ki ya ki bor District wym toh wow e bor wow pynman kiwon kiwon ki yakhih wa ktah yei lai i wan, i yadai yathied heipor ka sngi yaaw Pyngkat.
Da kyrpaad leh ya kitu kiwa yakhih heiyatoh wa u mooyong kiwa da yakhih nadooh mynsien wym toh u chet kylla ki ya ki paidbah wei ymtoh wow pyrkhat ki du yei myntoi wa samen neibhah ka khih mooyong toh ka kaam im kaam yap ki paidbah.
Da ong leh wa nadooh u snem 2014 da khang ya u mooyong tangwa ym em ki dak wa ki paidbah u yoh biang ki u sdang wei da kut du hei chah pynbiej, pynkut ka kyrwoh na u Michal Chyrmang, President FKJGP-Khliehriat Circle wa u Kyrshan Blah, President MPUF-East Jaiñtia Hills.
Discussion about this post