Da ki spah tylli ki Drone tne ka Ukraine ya ka Russia deilang ki thaw booh phñiang

Ka Russia da chah siat ko ha ka Ukraine deiwa boon dooh nadooh wa sdang ka thma heiwa da jan em 200 tylli ki Drone kiwa da tne ya kiwa boon ki thaw wa em hajan ka nongbah Moscow wei katkam ki Video ki dur ki dar wa da mih, da yoo yei tdem wa mih ha kiwa boon ki thaw.

Ha ka thaaiñ Moscow da em kamwa 17 ngut kiwa mynsoo, da pyntip u Governor, u Andrei Vorobyov.

Kamwa 1,000 tylli ki Drone wa soo tylli ki Cruise Missile ka Ukraine da ye wow siat ki ha kylleiñ ka Russia ha ki 24 kynta, da pyntip ka Defence Ministry ka Russia.

Da chah siat leh kawi ka thaw booh phñiang (Oil Depot) wa em ha Southern Rostov heiwa uwi u bru da yap u.

U President ka Ukraine, u Volodymyr Zelensky da ong u wa ini toh wow pynyoo ya ka Russia hadooh katwon jngai wa ye ka Ukraine u siat.

Da ong u leh wa da toh i por wow pynkut noh ya ka thma wei ka Russia da toh u leh ko yeiwa emkaam yow yaklam.

Chooh chooh da ong wa ini wa siat kattæ toh wow jubab yeiwa siat ka Russia ha ka tayaaw wa dep heiwa hadooh ki thaw niam leh da iñ ki.

“Ym em kwah i ya kani ka thmaw tangwa lada ka Ukraine iñ ko, ka Moscow leh daw iñ ko,” da ong u Zelensky.

Kiwi de ki thaw wa chah siat toh ki thaw pynkhooid phñiang ka Russia wa tip kam ka Kapotnya Refinery ka wym em jngai na Moscow wei da man ko ka sien wa le wa chah siat ko ha uni u bnai wei ka sien wa ar ha kani ka tayaaw.

Related posts

Daw khut thung kreh sa ya 1000 ngut ki pulit

June 18, 2026

Chah tooh ki sahchkoor ksiar na i metyap ka bru ha Hospital

June 18, 2026

Ki Video wa da poor da yoo leh yeiwa sied cha suiñ yeiwa tymmoh ya kawi ka thaw pynlang phñiang hadien wa joor iwa pdung.

Em kawi leh ka Shopping Centre kawa em hajan kawa da kop diñ hadien wa haap u Drone wa chah siat wei em leh ki yung wa sah ki bru kiwa chah ktah.

Hadien wa jia ini, da khang ya soo tylli ki Airport ka Moscow deiwa pyndam ya 500 tylli ki lieñsuiñ u hær ki.