Ka Meghalaya Police da pynkhreh ko wow pynsuk yow pyntip manda jia i chah thombor ki kynthai deiwa wanrah ka rukom ujor deiwa em u Helpline wei wow wan da ki pulit cha ki wow pyndep ya ka FIR, da pyntip ka DGP ka Idashisha Nongrang ynne ka sngi.
Ynne neiliang ka sorkar da pynman ko ya ka Nyaya Sanhita Exhibition, wei hawa yaklam wa kiwa thoh khubor, ka DGP da ong ko wa neiliang ka chnat pulit da chong bichaar ko ya ki Awareness Campaign wa dadep pynman wei kattu u ya krehlang wa ki ASHA yow ye u pynsñiawthooh cha ki chnong wa em cha kdong cha chmiang wei yeini da sdang wow leh ha ki 6 tylli ki District.
Ka DGP da pyntip ko wa ki pulit da lai ki leh cha ki skur yow yaklam lada em i chah lehbeiñ para khynnah skur yow khana kiyi de ki laad yarap wa em.
Heiyatoh wa ki POCSO Case, da pdiang ko wa em i chem chitom wow pynyoh ya ki Forensic Report hapoh i por wa da booh wei ini da man ko iwa eh hadien wa kiwa chah thombor kylla ktien won ki heipor wa chah bichaar.
Hajrong u pood wa ka Bangladesh da ong ko wa ki pulit ka Meghalaya da pait ki yei long i man hapyrdi ka India-Bangladesh ha khappood deiwa ya krehlang wa ki BSF deilang wa kiwi de.
Discussion about this post