Ka seiñ JCOMSWA ynne da pynbna ko wa da sangeh noh chipor yei yakhih chah thngan yow pyrkhat da kiwi ki luti wow lai lada ka sorkar ym ap næ mynjur ko, daw pynjoor yei yakhih.
U President ka seiñ, u Marshall Biam hawa e yei klam ha ka yalang paidbah kawa da pynman ynne ha Ladrymbai Dongwah da e khublei u ya waroh kiwa da yarap wow wan chah thngan hadien wa oo da sdang u nadooh ka 1 tarik heiwa kiwi da chimkti ki wow pteiñ yeini hadooh ynne ka 22 tarik.
Da e khublei u leh ya waroh kiwa da kyrchaan kamjooh kiwa klam beiñ yei chah thngan deiwa khut leh ya ki wow wan ya krehlang.
Da pyntip u wa neini chakhmat daw pynjoor yei yakhih heiwa daw lai kær kut leh ya waroh ki yung krehkaam sorkar wa em ha East Jaiñtia Hills deiwa khut leh ya kiwa kreh sorkar wow dam noh u lai kreh kam ka dak wow ya krehlang.
Da pynche u leh yei daw wym em lai ki ynne cha ka yalang wa da khut da ka sorkar ha Shillong neibhah ynne toh ka sngi chuti wei oo ym em kwah u wow lai dih chah cha yung u Conrad wei i yaklam toh u man ko hapoh Secretariat.
Discussion about this post