Kamwa jia ya u Raja chah pynyap sa uwi ha ka kynthai wa u chan ko

Uwi u bru wa 26 snem i rta uwa man leh u heh spah da chah ngiat u najrong ka Lohagad Fort pyn ha ka bru wa toh u bia u chirup wa u chan ko wei kini ki ar ngut da phla ki wa leh ki ya ini i kaam.

Ya uni u 26 snem da tip kam u Ketan Vishal Agrawal uwa na Gahunje ha Pune, wei da yap u ha ka 18 tarik uni u bnai hadien wa haap u najrong ka Lohagad Fort cha wah kamwa 400ft.

Nyngkong da suba wa tlær u hawa lai uiñke cha ka Fort tangwa hadien da chem wa yeini da leh da ka bru wa toh u bia u, ka Siya Goyal wa u Chetan Babulal Chaudhary.

U Ketan da pynhiar synjat u wa ka Siya, wei i pynkhreh yei bia da lai i chaphrang.

Hawa takit da chem wa ka Siya ya maya ko wa u Chetan uwa 22 snem i rta uwa na Kondhwa, Pune.

Ki pulit da ong ki wa ka Siya ym kwah ko wow bia wa u Ketan wei da kheiñ ko wa man u kam u moochynthut wow yoh ko u em wa u Chetan.

Related posts

Da khang wow lai ki kari wa khia na ka yingkieñ wa em ha u sarok Pasyih-Mynso-Mowkynshnian

June 24, 2026

Yaroh ka JCMDA ya ki MDC ka Liang Synchaar wa ka Liang Pyrchah ka JHADC

June 24, 2026

Kiwa takit da ong ki wa ki ar ngut da soohbuit ki wow tynyap ya u Ketan heiwa ka Siya da khut laike ko oo cha Lohagad neitæ won da khut ya u Chetan cha ini i thaw hadien.

Ki pulit da ong ki wa mar poi u Ketan ha Fort da chah dat u wei da ngiat ya oo najrong hadooh wa yap u.

U SP ka Pune Rural Police, u Sandeep Singh Gill da pyntip u wa kini ki chijur da tipmit ki la kamwa chi snem wei da soohbuit lang ki wow ngiat ya u Ketan hadooh wow yap u.

Hadien ka ujor u Vishal Agarwal (u pa u Ketan) ki pulit ka Lonavala Rural Police da Register ki ya ka Case tynyap bru katkam ki kyndon ka Bharatiya Nyaya Sanhita ha ka 23 tarik.

U Vishal da khana u wa ka Siya wa u Chetan da phla ki wow tynyap ya u Agarwal ha ka 18 tarik tangwa da takleiñ won ko katni.

Iwa pynphylla ya kiwa boon toh wa u Ketan wa ka Siya ha ki Video wa booh ki ha ki Social Media da pynyoo wa toh kiwa ya maya bha.